Aqtóbeniń Embi qalalyq aýrýhanasyna 16 jastaǵy jasóspirim pyshaq jaraqatymen tústi. Qazir qylmystyq is tergelip jatyr, dep habarlaidy "Ult aqparat".
Aqtóbe oblysy, Muǵaljar aýdany, Embi qalasynda jasóspirimder tóbelesip, biri ekinshisine pyshaq suǵyp alǵan.
«Embi qalalyq aýrýhanasynyń qabyldaý bólimine belgisiz adamdar 2005 jyly týǵan jasóspirimdi pyshaq jaraqatymen jetkizdi. Politsiia qyzmetkerleri jedel is-sharalar ótkizý barysynda 16 jastaǵy jasóspirimdi anyqtap, ustady. Kámeletke tolmaǵan eki balanyń arasynda daý-damai týyndap, sonyń saldarynan biriniń ekinshisine pyshaq jaraqatyn salǵany belgili boldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Qazir osy oqiǵaǵa bailanysty Qylmystyq kodekstiń «Densaýlyqqa qasaqana aýyr ziian keltirý» baby boiynsha sotqa deiingi tergeý amaldary júrgizilip jatyr. Politsiia men bilim berý organdary mán-jaidy anyqtaý maqsatynda tekseris júrgizedi.
«Kámeletke tolmaǵan balalardyń arasyndaǵy quqyq buzýshylyqtyń aldyn alýǵa bolady. Tek aldyn alý jumystaryna otbasy men jaqyn adamdary tartylýy kerek», - deidi Aqtóbe oblysy PD bastyǵy Atyǵai Arystanov.
