اقتٶبەنٸڭ ەمبٸ قالالىق اۋرۋحاناسىنا 16 جاستاعى جاسٶسپٸرٸم پىشاق جاراقاتىمەن تٷستٸ. قازٸر قىلمىستىق ٸس تەرگەلٸپ جاتىر, دەپ حابارلايدى "ۇلت اقپارات".
اقتٶبە وبلىسى, مۇعالجار اۋدانى, ەمبٸ قالاسىندا جاسٶسپٸرٸمدەر تٶبەلەسٸپ, بٸرٸ ەكٸنشٸسٸنە پىشاق سۇعىپ العان.
«ەمبٸ قالالىق اۋرۋحاناسىنىڭ قابىلداۋ بٶلٸمٸنە بەلگٸسٸز ادامدار 2005 جىلى تۋعان جاسٶسپٸرٸمدٸ پىشاق جاراقاتىمەن جەتكٸزدٸ. پوليتسييا قىزمەتكەرلەرٸ جەدەل ٸس-شارالار ٶتكٸزۋ بارىسىندا 16 جاستاعى جاسٶسپٸرٸمدٸ انىقتاپ, ۇستادى. كەمەلەتكە تولماعان ەكٸ بالانىڭ اراسىندا داۋ-داماي تۋىنداپ, سونىڭ سالدارىنان بٸرٸنٸڭ ەكٸنشٸسٸنە پىشاق جاراقاتىن سالعانى بەلگٸلٸ بولدى», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
قازٸر وسى وقيعاعا بايلانىستى قىلمىستىق كودەكستٸڭ «دەنساۋلىققا قاساقانا اۋىر زييان كەلتٸرۋ» بابى بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. پوليتسييا مەن بٸلٸم بەرۋ ورگاندارى مەن-جايدى انىقتاۋ ماقساتىندا تەكسەرٸس جٷرگٸزەدٸ.
«كەمەلەتكە تولماعان بالالاردىڭ اراسىنداعى قۇقىق بۇزۋشىلىقتىڭ الدىن الۋعا بولادى. تەك الدىن الۋ جۇمىستارىنا وتباسى مەن جاقىن ادامدارى تارتىلۋى كەرەك», - دەيدٸ اقتٶبە وبلىسى پد باستىعى اتىعاي ارىستانوۆ.
