Aqtóbede júrgizýshi oqýshyny kólikpen qaǵyp, oqiǵa ornynan qashyp ketti, dep habarlaidy Polisia.kz Telegram-arnasy.
14 sáýir saǵat 22:40 shamasynda Vaz-2114 avtokóligi Ábilqaiyr han dańǵyly men Patsaev kóshesiniń qiylysynda baǵdarshamnyń tyiym salý signalyna ótip, kámeletke tolmaǵan jaiaý júrginshini qaǵyp, jol-kólik oqiǵasy bolǵan jerden qashyp ketken.
"Saldarynan 17 jastaǵy jasóspirim aýrýhanaǵa jetkizildi.
Politsiia qyzmetkerleri izdeý is-sharalaryn júrgizý barysynda avtokólikti Ábilqaiyr han dańǵylyndaǵy kópqabatty úidiń aýlasynan áinegi, bamperi, kapoty zaqymdanǵan kúiinde tapty. Kólik arnaiy avtoturaqqa qoiyldy.
Sondai-aq, kólikti júrgizgen adam anyqtaldy. Ol júrgizýshi kýáligi joq 18 jastaǵy jas jigit bolyp shyqty" - delingen IIM baspasóz qyzmeti habarlamasynda.
QR QK 345-baby 2-bóligine sáikes sotqa deiingi tergeý jumystary júrgizilip jatyr. Júrgizýshi 2 jylǵa deiin bas bostandyǵynan aiyrylýy múmkin.
