Aqtóbe oblysynyń politseileri zańsyz ainalymnan 500 dozadan astam esirtki tárkiledi, – dep habarlaidy «Ult aqparat» Polisia.kz-ke silteme jasap.
Aqtóbe oblysy PD esirtki qylmysyna qarsy is-qimyl basqarmasynyń qyzmetkerleri “Quqyqtyq tártip” jedel aldyn alý is-sharasyn ótkizý barysynda Aqtóbe qalasyndaǵy saiajaida jas jigittiń basqarýyndaǵy Skoda Rapid avtokóligin toqtatty.
Jeke tintý kezinde avtokólikte bolǵan jolaýshydan politseiler untaq zat salynǵan 3 orama tárkiledi. Budan ári qyzmettik-izdestirý itiniń qatysýymen tintý barysynda kólik ishinen untaq zat salynǵan taǵy 124 túiinshek tárkilendi.
Júrgizýshiniń turǵylyqty jerin tintý barysynda da untaq zat salynǵan 9 túiinshek tabylyp, tárkilendi.
Saraptama qorytyndysyna sáikes, alynǵan zattar jalpy salmaǵy 100 gramnan asatyn mefedron esirtki zaty bolyp shyqty. Bul shamamen 3 mln teńgege baǵalanatyn 550-den astam bir rettik doza.
Asa iri mólsherde esirtki zattaryn zańsyz saqtaý faktisi boiynsha sotqa deiingi tergep-tekserý bastaldy. Osy baptyń sanktsiiasy úsh jyldan jeti jylǵa deiingi merzimge bas bostandyǵynan aiyrý túrindegi jazany kózdeidi. Kúdiktiler ýaqytsha ustaý izoliatoryna qamaldy.
