اقتٶبە وبلىسىنىڭ پوليتسەيلەرٸ زاڭسىز اينالىمنان 500 دوزادان استام ەسٸرتكٸ تەركٸلەدٸ, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
اقتٶبە وبلىسى پد ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ “قۇقىقتىق تەرتٸپ” جەدەل الدىن الۋ ٸس-شاراسىن ٶتكٸزۋ بارىسىندا اقتٶبە قالاسىنداعى ساياجايدا جاس جٸگٸتتٸڭ باسقارۋىنداعى Skoda Rapid اۆتوكٶلٸگٸن توقتاتتى.
جەكە تٸنتۋ كەزٸندە اۆتوكٶلٸكتە بولعان جولاۋشىدان پوليتسەيلەر ۇنتاق زات سالىنعان 3 وراما تەركٸلەدٸ. بۇدان ەرٸ قىزمەتتٸك-ٸزدەستٸرۋ يتٸنٸڭ قاتىسۋىمەن تٸنتۋ بارىسىندا كٶلٸك ٸشٸنەن ۇنتاق زات سالىنعان تاعى 124 تٷيٸنشەك تەركٸلەندٸ.
جٷرگٸزۋشٸنٸڭ تۇرعىلىقتى جەرٸن تٸنتۋ بارىسىندا دا ۇنتاق زات سالىنعان 9 تٷيٸنشەك تابىلىپ, تەركٸلەندٸ.
ساراپتاما قورىتىندىسىنا سەيكەس, الىنعان زاتتار جالپى سالماعى 100 گرامنان اساتىن مەفەدرون ەسٸرتكٸ زاتى بولىپ شىقتى. بۇل شامامەن 3 ملن تەڭگەگە باعالاناتىن 550-دەن استام بٸر رەتتٸك دوزا.
اسا ٸرٸ مٶلشەردە ەسٸرتكٸ زاتتارىن زاڭسىز ساقتاۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ باستالدى. وسى باپتىڭ سانكتسيياسى ٷش جىلدان جەتٸ جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ. كٷدٸكتٸلەر ۋاقىتشا ۇستاۋ يزولياتورىنا قامالدى.
