Memlekettik qyzmetshiler Alǵys aitý kúni qarsańynda Qarttar men múgedekter internat úiine bardy, dep habarlaidy QazAqparat.
Elimizde Memlekettik qyzmet isteri agenttigi Volonter jyly aiasynda Memleket basshysynyń korporativtik eriktilikti damytý bastamasyn qoldap, birqatar jumysty qolǵa aldy. Aqtóbe oblystyq memlekettik qyzmet isteri departamenti bul isten shet qalmady. Búgin memlekettik qyzmetshiler áleýmettik qyzmet kórsetý ortalyǵyna baryp, turǵyndarǵa keńes berdi, quqyqtyq kómek kórsetti. Alǵys aitý kúni qarsańynda zańgerler, dárigerler, Halyqqa qyzmet kórsetý ortalyǵynyń mamandary bardy.
«Ádilet departamenti, densaýlyq saqtaý basqarmasy, Memlekettik basqarý akademiiasynyń oblystyq filialy jáne «Azamattarǵa arnalǵan úkimet» MK basshylyǵyna qoldaý kórsetkeni úshin alǵys bildiremiz. Biz qaiyrymdylyq kómekti azyq-túlik, kiim jáne taǵy da basqa zatty syilaý men jetkizýge bailanystyramyz. Alaida keńes berý - quqyqtyq kómekke muqtaj azamattar sanaty da bar. Qarapaiym suraqtarǵa jaýap alý úshin belgili bir mekemege jeta almaityndar da bar. Biz osy sanatty nazardan tys qaldyrǵymyz kelmedi», - dep atap ótti departament basshysynyń orynbasary Rafhat Bisenov.
Is-shara barysynda Memlekettik basqarý akademiiasy filialynyń lektorlary urys-keristiń aldyn alý, kóńil-kúidi basqarýǵa qatysty trening ótkizdi. Halyqqa qyzmet kórsetý ortalyǵynyń mamandary zeinetaqymen qamsyzdandyrý, áleýmettik jeńildikter jáne múmkindikteri shekteýli azamattarǵa arnalǵan memlekettik qyzmet salasyndaǵy zańnamanyń sońǵy ózgeristeri týraly aqparat berdi. Zańgerler muragerlik jáne jyljymaityn múlikti tirkeý máselelerine orai túrli daýǵa qatysty quqyqtyq kómek kórsetti.
Aita keteiik, departament qyzmetkerleri ortalyq janynan qurylǵan halyq aspaptar ansambline 2 dombyra syiǵa tartty.
