Foto: Astana telearnasy
Aqtóbede qaskóidiń qolynan qaza tapqan otbasynyń burynǵy otaǵasy bir kún buryn sýitsid jasaǵan, dep habarlaidy Sputnik Qazaqstan saity Astana teleranasyna silteme jasap.
Er adamnyń anasy Tatiana Ignatevanyń aitýynsha, nemeresi men kelini qaitys bolardan bir kún buryn balasy sýitsid jasaǵan.
"Tańǵy saǵat jeti shamasynda tergeý bóliminen adamdar kelip, úlken ulymdy alyp ketti. Qaiǵyly oqiǵa týraly sol kezde bir-aq bildim. Keshe ǵana Sofiianyń ákesi - meniń ulym ózine qol salyp, qaitys bolǵan edi. Jaraqat alǵan nemerem ǵana tiri qaldy. Ony áli maǵan kórsetpedi", - deidi Tatiana Ignateva.
Sofiia – ajaldan aman qalyp, jansaqtaý bóliminde jatqan osy otbasynyń 13 jastaǵy qyzy.
Eske sala keteiik, jantúrshigerlik oqiǵa 29 naýryzda bolǵan. 35 jastaǵy áiel men onyń 16 jastaǵy ulyn jáne 13 jastaǵy qyzyn belgisiz bireýler pyshaqtap ketken.
Áiel men ul qaitys bolyp, aman qalǵan 13 jastaǵy qyz politsiiaǵa habarlasyp úlgergen. Qazirgi kúni qyzdyń jaǵdaiy aýyr. Ol oblystyq balalar aýrýhanasynda jansaqtaý bóliminde jatyr. Aýrýhana bólimin arnaiy politsiia táýlik boiy kúzetip tur.
Jalǵyzbasty kelinshek eki balasymen turǵan. Kórshiler túnde eshqandai aiqai-shý estimedik deidi. Tek jedel-járdem kelip, politsiia kelgende ne bolǵanyn bir-aq bilgen.
