فوتو: استانا تەلەارناسى
اقتٶبەدە قاسكٶيدٸڭ قولىنان قازا تاپقان وتباسىنىڭ بۇرىنعى وتاعاسى بٸر كٷن بۇرىن سۋيتسيد جاساعان, دەپ حابارلايدى Sputnik قازاقستان سايتى استانا تەلەراناسىنا سٸلتەمە جاساپ.
ەر ادامنىڭ اناسى تاتيانا يگناتەۆانىڭ ايتۋىنشا, نەمەرەسٸ مەن كەلٸنٸ قايتىس بولاردان بٸر كٷن بۇرىن بالاسى سۋيتسيد جاساعان.
"تاڭعى ساعات جەتٸ شاماسىندا تەرگەۋ بٶلٸمٸنەن ادامدار كەلٸپ, ٷلكەن ۇلىمدى الىپ كەتتٸ. قايعىلى وقيعا تۋرالى سول كەزدە بٸر-اق بٸلدٸم. كەشە عانا سوفييانىڭ ەكەسٸ - مەنٸڭ ۇلىم ٶزٸنە قول سالىپ, قايتىس بولعان ەدٸ. جاراقات العان نەمەرەم عانا تٸرٸ قالدى. ونى ەلٸ ماعان كٶرسەتپەدٸ", - دەيدٸ تاتيانا يگناتەۆا.
سوفييا – اجالدان امان قالىپ, جانساقتاۋ بٶلٸمٸندە جاتقان وسى وتباسىنىڭ 13 جاستاعى قىزى.
ەسكە سالا كەتەيٸك, جانتٷرشٸگەرلٸك وقيعا 29 ناۋرىزدا بولعان. 35 جاستاعى ەيەل مەن ونىڭ 16 جاستاعى ۇلىن جەنە 13 جاستاعى قىزىن بەلگٸسٸز بٸرەۋلەر پىشاقتاپ كەتكەن.
ەيەل مەن ۇل قايتىس بولىپ, امان قالعان 13 جاستاعى قىز پوليتسيياعا حابارلاسىپ ٷلگەرگەن. قازٸرگٸ كٷنٸ قىزدىڭ جاعدايى اۋىر. ول وبلىستىق بالالار اۋرۋحاناسىندا جانساقتاۋ بٶلٸمٸندە جاتىر. اۋرۋحانا بٶلٸمٸن ارنايى پوليتسييا تەۋلٸك بويى كٷزەتٸپ تۇر.
جالعىزباستى كەلٸنشەك ەكٸ بالاسىمەن تۇرعان. كٶرشٸلەر تٷندە ەشقانداي ايقاي-شۋ ەستٸمەدٸك دەيدٸ. تەك جەدەل-جەردەم كەلٸپ, پوليتسييا كەلگەندە نە بولعانىن بٸر-اق بٸلگەن.
