Aqtóbede 22 vagon relsten shyǵyp, janar-jaǵarmai jerge tógildi. Ekologtar topyraqtan synama aldy, dep habarlaidy "Ult aqparat".
Aqtóbe oblysy, Shalqar aýdany Ulpan stantsiiasynda 22 vagony relsten shyǵyp ketti. Jedel túrde oqiǵa ornyna «QTJ» UK AQ-nan 65 qyzmetker jáne 2 qalpyna keltirý, 2 órt sóndirý poiyzy, tótenshe jaǵdailar departamentinen 9 qyzmetker men 3 birlik tehnika jumyldyryldy. Relsten shyqqan 13 tsisternanyń jeteýindegi benzin, dizeldi otyn tógildi. Osy oqiǵaǵa bailanysty ekologtar da tergeýdi bastady.
«Aqtóbe oblystyq ekologiia departamentiniń mamandary oqiǵa ornyna bardy. Tekserý kezinde dizeldi otyn men benzinniń tógilgeni anyqtaldy. Lastanǵan jer kólemi ólshendi. Esep boiynsha 945 sharshy metr aýmaqqa janar-jaǵarmai tógilgen. Topyraq synamasy da alyndy. Qazirgi ýaqytta qalpyna keltirý jumysy bastaldy. Jospardan tys tekserýdiń qorytyndysy qosymsha habarlanady», -dedi oblystyq ekologiia departamentiniń baspasóz qyzmeti.
