اقتٶبەدە 22 ۆاگون رەلستەن شىعىپ, جانار-جاعارماي جەرگە تٶگٸلدٸ. ەكولوگتار توپىراقتان سىناما الدى, دەپ حابارلايدى "ۇلت اقپارات".
اقتٶبە وبلىسى, شالقار اۋدانى ۇلپان ستانتسيياسىندا 22 ۆاگونى رەلستەن شىعىپ كەتتٸ. جەدەل تٷردە وقيعا ورنىنا «قتج» ۇك اق-نان 65 قىزمەتكەر جەنە 2 قالپىنا كەلتٸرۋ, 2 ٶرت سٶندٸرۋ پويىزى, تٶتەنشە جاعدايلار دەپارتامەنتٸنەن 9 قىزمەتكەر مەن 3 بٸرلٸك تەحنيكا جۇمىلدىرىلدى. رەلستەن شىققان 13 تسيستەرنانىڭ جەتەۋٸندەگٸ بەنزين, ديزەلدٸ وتىن تٶگٸلدٸ. وسى وقيعاعا بايلانىستى ەكولوگتار دا تەرگەۋدٸ باستادى.
«اقتٶبە وبلىستىق ەكولوگييا دەپارتامەنتٸنٸڭ ماماندارى وقيعا ورنىنا باردى. تەكسەرۋ كەزٸندە ديزەلدٸ وتىن مەن بەنزيننٸڭ تٶگٸلگەنٸ انىقتالدى. لاستانعان جەر كٶلەمٸ ٶلشەندٸ. ەسەپ بويىنشا 945 شارشى مەتر اۋماققا جانار-جاعارماي تٶگٸلگەن. توپىراق سىناماسى دا الىندى. قازٸرگٸ ۋاقىتتا قالپىنا كەلتٸرۋ جۇمىسى باستالدى. جوسپاردان تىس تەكسەرۋدٸڭ قورىتىندىسى قوسىمشا حابارلانادى», -دەدٸ وبلىستىق ەكولوگييا دەپارتامەنتٸنٸڭ باسپاسٶز قىزمەتٸ.
