Kóliktegi politsiia departamentiniń qyzmetkerleri transulttyq uiymdasqan qylmystyq toptyń taǵy bir bailanysyn anyqtady, dep habarlaidy QazAqparat Polisia.kz. saityna silteme jasap.
Sait Aqtóbe qalasynda esirtki óndiretin jáne satatyn 30 jastaǵy jergilikti turǵyn ustalǵanyn habarlady.
Buǵan deiin 2021 jyly Nur-Sultan qalasy, Qaraǵandy, Aqmola jáne Pavlodar oblystarynda birqatar iri qylmyskerler ustaldy. Sol kezde satýǵa daiyn 25 keliden astam esirtki jáne olardy jasaýǵa arnalǵan 3,5 tonna prekýrsorlar tárkilendi. Bes iri esirtki zerthanasy joiyldy, olardyń ekeýi Qaraǵandy oblysynda, al Nur-Sultan qalasynda, Pavlodar, Aqmola oblystarynda bir-birden jumys istegen.
Arnaiy operatsiia barysynda transulttyq UQT uiymdastyrýshysy men alty qatysýshysy ustaldy, olar mefedrondy Qazaqstanda da, odan tys jerlerde de jasap, ótkizýdi uiymdastyrǵan. Qylmystyq toptyń árbir qatysýshysy ózine bekitilgen esirtkini ótkizý aýmaǵyna jetekshilik etip otyrǵan, sondai-aq, zattardy tasymaldaý, daiyndaý jáne saqtaý siiaqty belgili bir mindetterdi atqarǵan.
Máselen, tórteýi Nur-Sultan, Almaty, Pavlodar, Qaraǵandy qalalarynda psihotroptyq zattardy daiyndaýmen jáne ótkizýmen ainalysqan. Olardyń biri óz qyzmetin Resei men Grýziia aýmaǵynda júzege asyrǵan.
Tergeý barysynda Halyqaralyq qylmystyq bailanystar anyqtalyp, QR QK-niń 264-baby (Transulttyq qylmystyq topty qurý jáne oǵan basshylyq etý) boiynsha qylmystyq is qozǵaldy. Osy UQT boiynsha esirtki satýmen bailanysty segiz qylmystyq is qozǵaldy. Jańa jyldyq merekeler qarsańynda Qaraǵandy qalasynda esirtki óndirý úshin prekýrsorlardy jiberýmen ainalysqan taǵy bir UQT qatysýshysy ustaldy. Jedel ýákilder ol jalǵa alǵan garajda «Alfa-PVP» jasaý úshin qoldanylatyn himiialyq zattar – prekýrsorlar quiylǵan alty 30 litrlik plastikalyq bóshkelerdi tárkiledi. Onyń bailanystaryn pysyqtaý barysynda úi jaǵdaiynda sintetikalyq esirtki óndirisin jolǵa qoiǵan Aqtóbe qalasynyń turǵyny anyqtaldy.
Ustaý kezinde odan sintetikanyń bes bir rettik dozasy, al turǵylyqty jeri boiynsha taǵy segiz esirtki túiini tárkilendi. Sonymen qatar, qalanyń ár jerinde tapsyrys boiynsha «klientter» úshin daiyndalǵan 55 jasyrylǵan túiin tárkilendi. Sot-himiialyq saraptama nátijeleri boiynsha tárkilengen zat jalpy salmaǵy bir kilogrammǵa jýyq esirtkini qurady.
Esirtki óndirý faktisin rastaityn zattai dáleldemeler tárkilendi. Osylaisha, taǵy bir esirtki zerthanasy joiyldy. Esirtki qylmysyna qarsy is-qimyl departamentiniń bastyǵy Erlan Omarbekov túsindirgendei, Ishki ister ministrligimen sintetikalyq esirtkiniń ainalymyna qarsy is-qimyldyń tiimdiligin arttyrý boiynsha birqatar maqsatty baǵyttalǵan is-sharalar júzege asyrylýda.
