كٶلٸكتەگٸ پوليتسييا دەپارتامەنتٸنٸڭ قىزمەتكەرلەرٸ ترانسۇلتتىق ۇيىمداسقان قىلمىستىق توپتىڭ تاعى بٸر بايلانىسىن انىقتادى, دەپ حابارلايدى قازاقپارات Polisia.kz. سايتىنا سٸلتەمە جاساپ.
سايت اقتٶبە قالاسىندا ەسٸرتكٸ ٶندٸرەتٸن جەنە ساتاتىن 30 جاستاعى جەرگٸلٸكتٸ تۇرعىن ۇستالعانىن حابارلادى.
بۇعان دەيٸن 2021 جىلى نۇر-سۇلتان قالاسى, قاراعاندى, اقمولا جەنە پاۆلودار وبلىستارىندا بٸرقاتار ٸرٸ قىلمىسكەرلەر ۇستالدى. سول كەزدە ساتۋعا دايىن 25 كەلٸدەن استام ەسٸرتكٸ جەنە ولاردى جاساۋعا ارنالعان 3,5 توننا پرەكۋرسورلار تەركٸلەندٸ. بەس ٸرٸ ەسٸرتكٸ زەرتحاناسى جويىلدى, ولاردىڭ ەكەۋٸ قاراعاندى وبلىسىندا, ال نۇر-سۇلتان قالاسىندا, پاۆلودار, اقمولا وبلىستارىندا بٸر-بٸردەن جۇمىس ٸستەگەن.
ارنايى وپەراتسييا بارىسىندا ترانسۇلتتىق ۇقت ۇيىمداستىرۋشىسى مەن التى قاتىسۋشىسى ۇستالدى, ولار مەفەدروندى قازاقستاندا دا, ودان تىس جەرلەردە دە جاساپ, ٶتكٸزۋدٸ ۇيىمداستىرعان. قىلمىستىق توپتىڭ ەربٸر قاتىسۋشىسى ٶزٸنە بەكٸتٸلگەن ەسٸرتكٸنٸ ٶتكٸزۋ اۋماعىنا جەتەكشٸلٸك ەتٸپ وتىرعان, سونداي-اق, زاتتاردى تاسىمالداۋ, دايىنداۋ جەنە ساقتاۋ سيياقتى بەلگٸلٸ بٸر مٸندەتتەردٸ اتقارعان.
مەسەلەن, تٶرتەۋٸ نۇر-سۇلتان, الماتى, پاۆلودار, قاراعاندى قالالارىندا پسيحوتروپتىق زاتتاردى دايىنداۋمەن جەنە ٶتكٸزۋمەن اينالىسقان. ولاردىڭ بٸرٸ ٶز قىزمەتٸن رەسەي مەن گرۋزييا اۋماعىندا جٷزەگە اسىرعان.
تەرگەۋ بارىسىندا حالىقارالىق قىلمىستىق بايلانىستار انىقتالىپ, قر قك-نٸڭ 264-بابى (ترانسۇلتتىق قىلمىستىق توپتى قۇرۋ جەنە وعان باسشىلىق ەتۋ) بويىنشا قىلمىستىق ٸس قوزعالدى. وسى ۇقت بويىنشا ەسٸرتكٸ ساتۋمەن بايلانىستى سەگٸز قىلمىستىق ٸس قوزعالدى. جاڭا جىلدىق مەرەكەلەر قارساڭىندا قاراعاندى قالاسىندا ەسٸرتكٸ ٶندٸرۋ ٷشٸن پرەكۋرسورلاردى جٸبەرۋمەن اينالىسقان تاعى بٸر ۇقت قاتىسۋشىسى ۇستالدى. جەدەل ۋەكٸلدەر ول جالعا العان گاراجدا «الفا-PVP» جاساۋ ٷشٸن قولدانىلاتىن حيمييالىق زاتتار – پرەكۋرسورلار قۇيىلعان التى 30 ليترلٸك پلاستيكالىق بٶشكەلەردٸ تەركٸلەدٸ. ونىڭ بايلانىستارىن پىسىقتاۋ بارىسىندا ٷي جاعدايىندا سينتەتيكالىق ەسٸرتكٸ ٶندٸرٸسٸن جولعا قويعان اقتٶبە قالاسىنىڭ تۇرعىنى انىقتالدى.
ۇستاۋ كەزٸندە ودان سينتەتيكانىڭ بەس بٸر رەتتٸك دوزاسى, ال تۇرعىلىقتى جەرٸ بويىنشا تاعى سەگٸز ەسٸرتكٸ تٷيٸنٸ تەركٸلەندٸ. سونىمەن قاتار, قالانىڭ ەر جەرٸندە تاپسىرىس بويىنشا «كليەنتتەر» ٷشٸن دايىندالعان 55 جاسىرىلعان تٷيٸن تەركٸلەندٸ. سوت-حيمييالىق ساراپتاما نەتيجەلەرٸ بويىنشا تەركٸلەنگەن زات جالپى سالماعى بٸر كيلوگراممعا جۋىق ەسٸرتكٸنٸ قۇرادى.
ەسٸرتكٸ ٶندٸرۋ فاكتٸسٸن راستايتىن زاتتاي دەلەلدەمەلەر تەركٸلەندٸ. وسىلايشا, تاعى بٸر ەسٸرتكٸ زەرتحاناسى جويىلدى. ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باستىعى ەرلان وماربەكوۆ تٷسٸندٸرگەندەي, ٸشكٸ ٸستەر مينيسترلٸگٸمەن سينتەتيكالىق ەسٸرتكٸنٸڭ اينالىمىنا قارسى ٸس-قيمىلدىڭ تيٸمدٸلٸگٸن ارتتىرۋ بويىنشا بٸرقاتار ماقساتتى باعىتتالعان ٸس-شارالار جٷزەگە اسىرىلۋدا.
