Aqtóbede ishimdik ishken eki adam tóbelesip, biri ekinshisine pyshaq suǵyp alǵan. Jábirlenýshi kóz jumdy, dep habarlaidy QazAqparat.
Aqtóbe oblystyq politsiia departamenti baspasóz qyzmetiniń habarlaýynsha, oqiǵa 3 qarasha kúni Keńqiiaq aýylynda bolǵan. Aýyldyq aýrýhananyń qabyldaý bólimine 41 jastaǵy turǵynnyń máiiti jetkizilgen soń dereý politsiiaǵa habar berip, meditsinalyq mekemege jedel tergeý toby jiberildi. Olar 33 jastaǵy kúdiktini anyqtap, «izin sýytpai» ustady.
«Tergeý barysynda qaiǵyly oqiǵa jábirlenýshiniń úiiniń aýlasynda bolǵany anyqtaldy. Ishimdik ishken tanystardyń arasynda janjal týyndap, sońynda kúdikti jábirlenýshige pyshaq suǵyp alǵan. Qylmys ornynan as úi pyshaǵy tárkilendi», - dedi oblystyq PD baspasóz qyzmetinie jetekshisi Erbolat Sarqulov.
QR QK-niń «Adam óltirý» baby boiynsha sotqa deiingi tergeý bastaldy. Sot-meditsinalyq saraptamasy taǵaiyndaldy.
