اقتٶبەدە ٸشٸمدٸك ٸشكەن ەكٸ ادام تٶبەلەسٸپ, بٸرٸ ەكٸنشٸسٸنە پىشاق سۇعىپ العان. جەبٸرلەنۋشٸ كٶز جۇمدى, دەپ حابارلايدى قازاقپارات.
اقتٶبە وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, وقيعا 3 قاراشا كٷنٸ كەڭقيياق اۋىلىندا بولعان. اۋىلدىق اۋرۋحانانىڭ قابىلداۋ بٶلٸمٸنە 41 جاستاعى تۇرعىننىڭ مەيٸتٸ جەتكٸزٸلگەن سوڭ دەرەۋ پوليتسيياعا حابار بەرٸپ, مەديتسينالىق مەكەمەگە جەدەل تەرگەۋ توبى جٸبەرٸلدٸ. ولار 33 جاستاعى كٷدٸكتٸنٸ انىقتاپ, «ٸزٸن سۋىتپاي» ۇستادى.
«تەرگەۋ بارىسىندا قايعىلى وقيعا جەبٸرلەنۋشٸنٸڭ ٷيٸنٸڭ اۋلاسىندا بولعانى انىقتالدى. ٸشٸمدٸك ٸشكەن تانىستاردىڭ اراسىندا جانجال تۋىنداپ, سوڭىندا كٷدٸكتٸ جەبٸرلەنۋشٸگە پىشاق سۇعىپ العان. قىلمىس ورنىنان اس ٷي پىشاعى تەركٸلەندٸ», - دەدٸ وبلىستىق پد باسپاسٶز قىزمەتٸنٸە جەتەكشٸسٸ ەربولات سارقۇلوۆ.
قر قك-نٸڭ «ادام ٶلتٸرۋ» بابى بويىنشا سوتقا دەيٸنگٸ تەرگەۋ باستالدى. سوت-مەديتسينالىق ساراپتاماسى تاعايىندالدى.
