Aqtóbede sábi súiýdi armandap, 20 jasynda jeke klinikada kóz jumǵan Gúldana Nurmaǵanbetovanyń isine qatysty sot úkimi shyqty. Sottalýshy akýsher-ginekolog Olga Li-Ko-Shin-Feter aqtalyp shyqty, dep habarlaidy "Ult aqparat".
Aidos pen Gúldana Nurmaǵambetovter balaly bolýdy armandap, kelinshek 8 ai boiy ginekologiialyq aýrýlarǵa bailanysty jeke klinikada em qabyldaǵan. Sońǵy emi kezinde dárini qatty aýyrsynyp, operatsiia ústelinde kóz jumdy. Aldyn ala boljam boiynsha, G.Nurmaǵanbetova anafilaktikalyq shok alǵan. №2 Aqtóbe qalalyq sotynda Qylmystyq kodekstiń 317-baby 3-bóligimen, iaǵni, meditsina nemese farmatsevtika jumyskeriniń kásiptik mindetterin tiisinshe oryndamaýy babymen is qaraldy. Birneshe sot-meditsinalyq saraptama taǵaiyndaldy.
«Sot úkimimen Li-Ko-Shin-Feter kinásiz dep tanylyp, sot zalynan aqtalyp shyqty. Is boiynsha qylmys quramy anyqtalmady. Sottalýshy qylmystyq jaýapqa tartylǵany úshin zań aiasynda shyǵyndy ótei alady. Sot úkimi kúshine engen joq» dep habarlady oblystyq sottyń baspasóz qyzmeti.
Is materialyna súiensek, kóz jumǵan Gúldana Nurmaǵambetovanyń metronidazol preparatyna allergiiasy bolmaǵany, operatsiiaǵa deiingi bir aptalyq ýaqyt ishinde quramynda metronidazoly bar asa aýyr dári qabyldaǵany belgili boldy. Iaǵni, metronidazolǵa allergiiasy bar ekeni tolyq dáleldenbedi. Li-Ko-Shin-Feterdiń barlyq emdi hattamaǵa súienip júrgizgeni anyqtaldy.
