اقتٶبەدە سەبي سٷيۋدٸ ارمانداپ, 20 جاسىندا جەكە كلينيكادا كٶز جۇمعان گٷلدانا نۇرماعانبەتوۆانىڭ ٸسٸنە قاتىستى سوت ٷكٸمٸ شىقتى. سوتتالۋشى اكۋشەر-گينەكولوگ ولگا لي-كو-شين-فەتەر اقتالىپ شىقتى, دەپ حابارلايدى "ۇلت اقپارات".
ايدوس پەن گٷلدانا نۇرماعامبەتوۆتەر بالالى بولۋدى ارمانداپ, كەلٸنشەك 8 اي بويى گينەكولوگييالىق اۋرۋلارعا بايلانىستى جەكە كلينيكادا ەم قابىلداعان. سوڭعى ەمٸ كەزٸندە دەرٸنٸ قاتتى اۋىرسىنىپ, وپەراتسييا ٷستەلٸندە كٶز جۇمدى. الدىن الا بولجام بويىنشا, گ.نۇرماعانبەتوۆا انافيلاكتيكالىق شوك العان. №2 اقتٶبە قالالىق سوتىندا قىلمىستىق كودەكستٸڭ 317-بابى 3-بٶلٸگٸمەن, ياعني, مەديتسينا نەمەسە فارماتسەۆتيكا جۇمىسكەرٸنٸڭ كەسٸپتٸك مٸندەتتەرٸن تيٸسٸنشە ورىنداماۋى بابىمەن ٸس قارالدى. بٸرنەشە سوت-مەديتسينالىق ساراپتاما تاعايىندالدى.
«سوت ٷكٸمٸمەن لي-كو-شين-فەتەر كٸنەسٸز دەپ تانىلىپ, سوت زالىنان اقتالىپ شىقتى. ٸس بويىنشا قىلمىس قۇرامى انىقتالمادى. سوتتالۋشى قىلمىستىق جاۋاپقا تارتىلعانى ٷشٸن زاڭ اياسىندا شىعىندى ٶتەي الادى. سوت ٷكٸمٸ كٷشٸنە ەنگەن جوق» دەپ حابارلادى وبلىستىق سوتتىڭ باسپاسٶز قىزمەتٸ.
ٸس ماتەريالىنا سٷيەنسەك, كٶز جۇمعان گٷلدانا نۇرماعامبەتوۆانىڭ مەترونيدازول پرەپاراتىنا اللەرگيياسى بولماعانى, وپەراتسيياعا دەيٸنگٸ بٸر اپتالىق ۋاقىت ٸشٸندە قۇرامىندا مەترونيدازولى بار اسا اۋىر دەرٸ قابىلداعانى بەلگٸلٸ بولدى. ياعني, مەترونيدازولعا اللەرگيياسى بار ەكەنٸ تولىق دەلەلدەنبەدٸ. لي-كو-شين-فەتەردٸڭ بارلىق ەمدٸ حاتتاماعا سٷيەنٸپ جٷرگٸزگەنٸ انىقتالدى.
