Aqtóbede Reseiden kelgen 9 stýdentten koronavirýs infektsiiasy anyqtaldy, dep habarlaidy "Ult aqparat".
Aqtóbe oblysy boiynsha sońǵy táýlikte 16 adamnan indet anyqtaldy. Qazir barlyǵy 43 bolyp tur. Onyń 10-y em qabyldap, úiine jiberildi.
«Indetke shaldyqqan adamdardyń 25-i syrttan kelse, ózgesi sol adamdarmen bailanysta bolyp, juqtyryp aldy. Sońǵy táýlikte tirkelgen derekke keler bolsam, olardyń tórteýi ǵana aqtóbelik. Ózgesi elimizdiń birneshe óńiriniń turǵyny», - dedi oblystyq densaýlyq saqtaý basqarmasynyń basshysy Áset Qaliev.
Aita keteiik, virýs juqtyrǵandar arasynda bireýi vahtalyq jumyspen jumys istegen áiel. Onyń otbasy karantinge jatqyzylyp, ózi infektsiialyq aýrýhananyń boks palatasyna jetkizildi.
«Keshe Máskeý, Kazan, Ýfa qalalarynan stýdentter kelgen bolatyn. Sol stýdentterdi tekserý barysynda 9 adamnan koronavirýs infektsiiasy anyqtaldy. Olar Nur – Sultan, Túrkistan, Almaty qalalaryń turǵyndary. Barlyǵy arnaiy boks-palatada jatyr. Virýsqa qarsy em júrgiziledi. Jaǵdaiy qanaǵattanarlyq», - dedi Áset Qaliev.
