اقتٶبەدە رەسەيدەن كەلگەن 9 ستۋدەنتتەن كوروناۆيرۋس ينفەكتسيياسى انىقتالدى, دەپ حابارلايدى "ۇلت اقپارات".
اقتٶبە وبلىسى بويىنشا سوڭعى تەۋلٸكتە 16 ادامنان ٸندەت انىقتالدى. قازٸر بارلىعى 43 بولىپ تۇر. ونىڭ 10-ى ەم قابىلداپ, ٷيٸنە جٸبەرٸلدٸ.
«ٸندەتكە شالدىققان ادامداردىڭ 25-ٸ سىرتتان كەلسە, ٶزگەسٸ سول ادامدارمەن بايلانىستا بولىپ, جۇقتىرىپ الدى. سوڭعى تەۋلٸكتە تٸركەلگەن دەرەككە كەلەر بولسام, ولاردىڭ تٶرتەۋٸ عانا اقتٶبەلٸك. ٶزگەسٸ ەلٸمٸزدٸڭ بٸرنەشە ٶڭٸرٸنٸڭ تۇرعىنى», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
ايتا كەتەيٸك, ۆيرۋس جۇقتىرعاندار اراسىندا بٸرەۋٸ ۆاحتالىق جۇمىسپەن جۇمىس ٸستەگەن ەيەل. ونىڭ وتباسى كارانتينگە جاتقىزىلىپ, ٶزٸ ينفەكتسييالىق اۋرۋحانانىڭ بوكس پالاتاسىنا جەتكٸزٸلدٸ.
«كەشە مەسكەۋ, كازان, ۋفا قالالارىنان ستۋدەنتتەر كەلگەن بولاتىن. سول ستۋدەنتتەردٸ تەكسەرۋ بارىسىندا 9 ادامنان كوروناۆيرۋس ينفەكتسيياسى انىقتالدى. ولار نۇر – سۇلتان, تٷركٸستان, الماتى قالالارىڭ تۇرعىندارى. بارلىعى ارنايى بوكس-پالاتادا جاتىر. ۆيرۋسقا قارسى ەم جٷرگٸزٸلەدٸ. جاعدايى قاناعاتتانارلىق», - دەدٸ ەسەت قاليەۆ.
