Foto: diapazon.kz
Aqtóbede jolaýshylar poiyzy bastyǵynyń óltirilýine qatysty iske úkim shyǵaryldy. Sottalýshy Qylmystyq kodekstiń 99-baby 2-bóligi 9-tarmaǵy (Adam óltirý) boiynsha kináli dep tanyldy. , dep habarlaidy Ult.kz Inbusiness.kz-ke silteme jasap.
Sot 28 jastaǵy aiyptalýshyny 20 jylǵa bas bostandyǵynan aiyrdy.
Qandy qylmys biyl 6 tamyz kúni tańǵy saǵat 04:00 shamasynda qala ortalyǵynda oryn aldy. Sol kúni temirjolshylar kásibi merekeni atap ótti. Olar joldan ótip bara jatqan jas jigitten temeki suraǵan kezde janjal týyndap, sol sátte poiyz bastyǵy Ersultan Muhanbetáli keýde tusynan 6 ret pyshaqtaǵan. Aqyry aýrýhanada esin jimastan kóz jumdy.
Sottalýshy Baýyrjan Qabdýllov ózin qorlap, urǵan adamnan qorǵanǵanyn málimdedi. Aiyptalýshynyń jary sot úkimin tyńdaǵan soń kózine jas aldy. Ol kámelet jasyna tolmaǵan bir qyzdy tárbielep otyr.
Sonymen qatar, sottalýshy moraldyq ziian úshin 10 million teńge tóleýge mindetteldi. Qaza tapqan Ersultan Muhanbetáliniń artynda 3 balasy qaldy.
