Aqtóbede politseilerge shabýyl jasaýǵa daiyndalǵan 147 radikal ustaldy. Bul týraly máslihat sessiiasynda oblystyń ishki ister departamentiniń basshysy Mahambet Ábisatov málimdedi, dep jazady Sputnik agenttigi.
Ol shabýylǵa tolyǵyraq toqtalǵan joq.
"Jaqsylyqty jariia etpegen abzal, biz muny "piarsyz" jasadyq", — dedi Ábisatov depýtattarǵa.
Alaida jýrnalister 147 kúdiktiniń ustalǵanyn anyqtady. Ábisatov radikaldardyń ustalǵany jaily depýtattyń politsiia ýchaskeleriniń terezesinen torlardy alyp tastaýǵa qatysty saýalyna jaýap berý kezinde aitqan edi.
"Terezedegi torlar azamattardan jasyryný úshin emes, bul antiterrorlyq qorǵanys. Bizdiń bólimshelerde qarý-jaraq, oq-dári bar ekenin bilesizder. Bizdiń ministr ár azamat politsiia bólimine esh kedergisiz kirýi kerek ekenin aitady. Biz bul baǵytta jumys istep jatyrmyz. Politsiia bólimderinde azamattardy qabyldaýǵa arnalǵan keńseler ashý kerek dep jatyr. Bizde bul másele onsyz da jedel sheshilýde, turǵyndar politsiiaǵa júgingende, uzaq kútpeidi, — dep sendirdi Aqtóbe oblysy politsiiasynyń basshysy.
Óz kezeginde depýtattar politseilerden tergeýshige nemese anyqtaýshyǵa kirý úshin saǵattap kútetin qarapaiym azamattarǵa nazar aýdarýdy ótindi.
