اقتٶبەدە پوليتسەيلەرگە شابۋىل جاساۋعا دايىندالعان 147 راديكال ۇستالدى. بۇل تۋرالى مەسليحات سەسسيياسىندا وبلىستىڭ ٸشكٸ ٸستەر دەپارتامەنتٸنٸڭ باسشىسى ماحامبەت ەبيساتوۆ مەلٸمدەدٸ, دەپ جازادى Sputnik اگەنتتٸگٸ.
ول شابۋىلعا تولىعىراق توقتالعان جوق.
"جاقسىلىقتى جارييا ەتپەگەن ابزال, بٸز مۇنى "پيارسىز" جاسادىق", — دەدٸ ەبيساتوۆ دەپۋتاتتارعا.
الايدا جۋرناليستەر 147 كٷدٸكتٸنٸڭ ۇستالعانىن انىقتادى. ەبيساتوۆ راديكالداردىڭ ۇستالعانى جايلى دەپۋتاتتىڭ پوليتسييا ۋچاسكەلەرٸنٸڭ تەرەزەسٸنەن تورلاردى الىپ تاستاۋعا قاتىستى ساۋالىنا جاۋاپ بەرۋ كەزٸندە ايتقان ەدٸ.
"تەرەزەدەگٸ تورلار ازاماتتاردان جاسىرىنۋ ٷشٸن ەمەس, بۇل انتيتەررورلىق قورعانىس. بٸزدٸڭ بٶلٸمشەلەردە قارۋ-جاراق, وق-دەرٸ بار ەكەنٸن بٸلەسٸزدەر. بٸزدٸڭ مينيستر ەر ازامات پوليتسييا بٶلٸمٸنە ەش كەدەرگٸسٸز كٸرۋٸ كەرەك ەكەنٸن ايتادى. بٸز بۇل باعىتتا جۇمىس ٸستەپ جاتىرمىز. پوليتسييا بٶلٸمدەرٸندە ازاماتتاردى قابىلداۋعا ارنالعان كەڭسەلەر اشۋ كەرەك دەپ جاتىر. بٸزدە بۇل مەسەلە ونسىز دا جەدەل شەشٸلۋدە, تۇرعىندار پوليتسيياعا جٷگٸنگەندە, ۇزاق كٷتپەيدٸ, — دەپ سەندٸردٸ اقتٶبە وبلىسى پوليتسيياسىنىڭ باسشىسى.
ٶز كەزەگٸندە دەپۋتاتتار پوليتسەيلەردەن تەرگەۋشٸگە نەمەسە انىقتاۋشىعا كٸرۋ ٷشٸن ساعاتتاپ كٷتەتٸن قاراپايىم ازاماتتارعا نازار اۋدارۋدى ٶتٸندٸ.
