Aqtóbede jeńil kólik aýdarylyp, adamdardyń bári aýrýhanaǵa tústi. Júrgizýshiden ózgesi Ózbekstan azamaty, dep habarlaidy "Ult aqparat".
Aqtóbe oblysy, Áiteke bi aýdany, Qarabutaq aýyly mańynda «Toyota Previa» avtokóligi aýdaryldy. Kólik «Samara-Shymkent» tasjolynyń Yrǵyz aýdanynan Qarabutaq aýyly baǵytynda qozǵalǵan.
Oblystyq politsiia departamenti baspasóz qyzmetiniń habarlaýynsha, júrgizýshi rýlge ie bola almai, oń joldyń jaǵyna aýdarylǵan.
Jol-kólik oqiǵasy saldarynan avtokólik júrgizýshisi men segiz jolaýshy alǵan dene jaraqatynan Áiteke bi aýdanynyń ortalyq aýrýhanasyna jetkizildi.
«Jaraqat alǵan jolaýshylardyń bári - Ózbekstan Respýblikasynyń azamaty. Belgili bolǵandai, olar Qazaqstan Respýblikasynyń aýmaǵyna Túrkistan oblysy Saryaǵash qalasynyń «Jibek Joly» baqylaý-ótkizý pýnkti arqyly ótip, Atyraý qalasyna jumysqa bara jatqan. Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» baby boiynsha sotqa deiingi tergeý bastaldy», - dep habarlady oblystyq PD baspasóz qyzmeti.
Aityp óteiik, oblysta shilde aiynda 32 jol-kólik oqiǵasy tirkeldi. Saldarynan 7 adam qaza taýyp, 34 adam túrli dárejedegi jaraqat aldy.
