Aqtóbe oblysynda sý tasqynynan zardap shegip, bilikke úndeý aitqan oqýshy qyzdyń kórshileri olardyń úiin sý baspaǵanyn málimdep otyr. Aty-jónin ataǵysy kelmegen áiel Internette videosy taralyp, kópti eljiretken qyz ben onyń sheshesin basqa bireýdiń sý alǵan úiiniń fonynda video túsirip, qoldanyp ketti degendi aitty, - dep habarlaidy kaz.tengrinews.kz tilshisi.
Al qyzǵa osy video Qaznette taralǵannan keiin biznesmenderdiń úsh bólmeli páter syilaǵany belgili. Eshimovter otbasynyń kórshisi BAQ ókilderine oqýshy qyz jylap turǵan videoda Talǵat Lepesovter otbasynyń sý alǵan úii ekenin habarlady.
"Olardyń áleýmettik jelilerde taratqan videosynda kórsetilgen úidiń qulaǵany ras, biraq ol olardyń úii emes, olardyń úii saý tur, biraq sonda da olar Talǵat Lepesovterdiń qulaǵan úiiniń aldynda video túsirgen", - dedi Mahabbat Eshimovanyń kórshisi. Áieldiń BAQ ókilderine bergen suhbaty Instagram jelisine júktelip úlgerdi. Qazirgi ýaqytta Qaznette osy máselege qatysty daý shyqty.
Osy daýǵa qatysty qyzdyń anasy Turǵangúl Eshimova pikir bildirdi.
"Biz bul týraly bilemiz, kórshilerdiń osyndai aiyp taǵyp otyrǵany bizge belgili, bul jalǵan. 14 sáýirde bizdiń úidi sý shaiyp ketti, turǵyndardyń eshqaisysynyń úii saý bolmady. Barlyǵynyń úiin sý shaiyp ketti. Meniń kúieýim júrek talmasyna ushyrap, tipti sóilei de almai qaldy, endi ary qarai qalai ómir súremiz? Ol aýrýhanada bolǵanda bizdi mektepke evakýatsiialady. Sosyn biz páterde turyp keldik. Jýrnalister siýjet túsirip jatqanda sý alǵan úilerdiń turǵyndaryna suraq qoidy. Qyzym Mahabbat sol kezde meniń aldyma shyǵyp alyp, óte qatty ashýlanyp, sóilep tastady. Sol kezde ol ákesin qatty ýaiymdady, úidi de ýaiymdady, sóitip, jylaǵan bolatyn", - dedi sheshesi.
Áiel Internette taralǵan videony bóten adamdardyń túsirgenin aityp otyr. Mahabbattyń otbasy roliktiń bulaisha taralyp ketetinin bilmegen eken.
"Ol bizdiń úidi sý alǵanyn aitty, bul ras. Videoda qai úidiń turǵanynda ne bailanysy bar? Qyzym artymyzda turǵan úidi aitqan joq. Sosyn biznesmen Qairat Qudaibergen kelip, páter syilady. Osydan keiin adamdar bizden osy jaǵdaiymyzdy qyzǵana bastady. Kórshiler osy videony jazyp, ótirik aityp jatyr dep málimdedi", - dep narazylyǵyn bildirdi Eshimova.
Qyzdyń anasynyń aitýynsha, Mahabbatty mekteptegiler ótirikshi dep ataidy. Ózine tym kóp adamnyń nazary aýǵandyqtan, qyzy kóp jylap júr eken.
"Kórshilerimiz memleketten úi alady, biz almaimyz. Endi nege bulai jasap jatyr? Men endi prokýratýraǵa jáne sotqa osy áieldiń bizge jala jabýy isi boiynsha aryz túsiremin, eldiń kózinshe bizdi alaiaq qylyp kórsetti", - deidi qyzdyń anasy Turǵangúl Eshimova.
Osy oqiǵaǵa qatysty óz kezeginde Aqtóbe ákiminiń orynbasary Rýziia Aidanova pikir bildirdi. "Biz Lepesovter otbasyna 2 bólmeli páterdi berdik, olar sońynda osy úidi satyp ala alady. Onyń tórt balasy bar. Biraq biz úsh adamdy ǵana kórdik, ózi, kúieýi jáne Maahabbatpen birge oqityn balasy. Biraq Lepesov qyzdy úiin paidalanyp ketti dep daýlasyp jatyr. Sebebi sol úidiń aldynda video túsirilgen. Biraq ol qyzǵa úidi memleket bergen joq qoi, biznesmen syilady. Bul árkimniń óz qalaýy. Árkim neni kimge syilaitynyn ózi biledi. Al osy aiyptaýlarǵa keler bolsaq, bul otbasylardyń arasyndaǵy ózara daý", - dep málimdedi sheneýnik.
Aita keteiik, osyǵan deiin Aqtóbede sý tasqynynan zardap shekken 10 jastaǵy qyz bilikke úndeý aitqan bolatyn. Eshimovter otbasy sý tasqynynan baspanasynan aiyrylǵan edi. Sheshesi Turǵangúl Eshimovanyń aitýynsha, kúieýiniń júregi álsiz jáne ol úiiniń qirap qalǵanyn áli kórmepti. Basylymnyń málimetinshe, áieldiń kenje qyzy Mahabbat № 36 mektebiniń tórtinshi synyp oqýshysy eken. Ol mektep formasynan, oqýlyqtarynan da aiyrylyp, tabiǵi apattan eseńgirep qalǵan.
Keiin almatylyq kásipker Qairat Qudaibergen aty-jónin ataǵysy kelmegen biznesmenmen birge sý tasqynynan zardap shekken aqtóbelik 10 jastaǵy qyzǵa baspana syilamaqshy bolǵan. Alaida osy baspanany salýda olar qiyndyqtarǵa tap boldy. Syilanatyn úi de sý tasqyny bolýy múmkin degen aimaqqa jatqyzyldy. Alaida biznesmen 10 jastaǵy Mahabbatqa kóppáterli úiden úsh bólmeli páter syilady.
