Aqtóbede úsh aýyldyń mektep oqýshylary bir-biriniń sózin kótere almai, tóbelesip qalǵan. Bul týraly oblystyq bilim basqarmasy basshysynyń orynbasary aityp berdi, dep habarlaidy "Ult aqparat".
Aqtóbedegi oqýshylar tóbelesinen soń qylmystyq is qozǵaldy. Ata-analar da jaýapqa tartylýy múmkin.
Aqtóbe oblystyq bilim basqarmasy tóbelestiń negizgi sebebin atady.
«20 qyrkúiek kúni qyzdar tóbelesken. Keńqiiaq, Shubarshi, Sarkól aýylyndaǵy 10 qyz bir-biriniń sózin kótere almaǵan. Olar aldymen áleýmettik jelidegi ortaq chat arqyly urcysqan. Balaǵat sóz aitqan. Negizgi sebebi - osy. Keiin kezdesip, tóbelesken. Tóbelesti arnaiy videoǵa túsirip, ózderi áleýmettik jelidegi paraqshaǵa júktedi. Jábirlenýshi qyz dene jaraqatyn almaǵan. Oqiǵadan soń lezde Temir aýdandyq bilim bólimi, politsiia bóliminen arnaiy monitoring toby qurylyp, zerdeleý jumysy júrgizildi», - deidi oblystyq bilim basqarmasy basshysynyń orynbasary Nurgúl Bertileýova.
Aita keteiik, qazirgi kezde tóbelesken qyzdardyń ata-anasy ortaq mámilege keldi. Olardyń bári - 8, 9, 10 synyp oqýshylary.
Arasynda bir otbasynyń eki qyzy da bar.
Osy oqiǵadan soń úsh mektep direktory, tárbie isi jónindegi orynbasarlar men synyp jetekshilerine tártiptik jaza qoldanyldy.
