Aqtóbe qalasynyń ákimi I.Ispanov «Mereili otbasy» ulttyq baiqaýynyń I-shi qalalyq deńgeiinde iriktelgen baiqaý jeńimpazdary men qatysýshylaryn marapattady.
«Mereili otbasy» Ulttyq baiqaýy adamgershilik qundylyqtardy jańǵyrtý, neke men otbasy kelbetiniń oń úlgisin nasihattaý jáne otbasynyń mártebesin kóterý maqsatynda Qazaqstan Respýblikasy Prezidenti N.Nazarbaevtyń Jarlyǵymen bekitildi.
Atalǵan konkýrsqa qatysýǵa barlyǵy 20 otbasy niet bildirip, konkýrs talaptaryna sáikes kelgen 8 otbasy saiysqa jiberilgen bolatyn.
«Mereili otbasy» ulttyq konkýrsynyń Aqtóbe qalasy boiynsha jeńimpazdardy aiqyndaý jónindegi komissiiasynyń sheshimimen ulttyq baiqaýdyń qalalyq deńgeidegi irikteýinde joǵary nátije kórsetken Ózbekbaevtar otbasy - Gran-pri, Qabden áýleti otbasy - I oryn, Qydyralinder otbasy - II oryn jáne Maqsat áýleti otbasy - III orynǵa ie bolyp, oblystyq deńgeidegi irikteýge joldama aldy.
Baiqaý jeńimpazdaryna Aqtóbe qalasy ákiminiń diplomdary men alǵys hattary, sonymen qatar estelik syilyqtar syilyqtar tabystaldy.
