Aqtóbe oblysy «jasyl» aimaqta bolǵanymen, Naýryz merekesi mektepter men balabaqshalarda, kópshilik jinalatyn oryndarda ótkizilmeidi, dep habarlaidy "Ult aqparat".
Ótken táýlikte óńirde 18 adamnan koronavirýs infektsiiasy anyqtaldy. Olardyń 16-y — Aqtóbe qalasynyń turǵyny.
«Oblys boiynsha 124 adam infektsiialyq aýrýhanalarda jatyr. Onyń 100-i Aqtóbe qalasynda. Barlyǵy 9 naýqas jansaqtaý bóliminde», - dedi oblystyq densaýlyq saqtaý basqarmasynyń basshysy Rústem Isaev. Qazirgi kezde 2 myńnan astam adam vakitsina qabyldady. Olar: dárigerler men muǵalimder, politsiia qyzmetkerleri. Sonymen birge stýdent, dispanserlik esepte turǵan adamdar da ekpe qabyldady.
Aqtóbe oblystyq sanitariialyq-epidemiologiialyq baqylaý departamenti mereke qarsańynda turǵyndarǵa saqtyq sharasyn taǵy bir eske saldy.
«Mektepter men balabaqshalarda Naýryz merekesin toilaýǵa bolmaidy. Sonymen birge kez kelgen ujymdyq basqosýǵa tyiym salynǵan. Eger mundai jaǵdai tirkelse, mindetti túrde departamentke habar berýi kerek. Mamandar shara qoldanady»,- dedi Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Qazirgi kezde oblys boiynsha 47 monitoring toby bar. Jyl basynan beri 133 habarlama túsip, 19 million teńge aiyppul salyndy. Al Úilestirý ortalyǵyna 16 shuǵyl habarlama berilip, jospardan tys tekserý júrgizildi. Sóitip taǵy 1 million teńge aiyppul salyndy.
«30-39 jas aralyǵyndaǵy jastardan jii anyqtalyp jatyr. Jyl basynan beri 159 adam virýs juqtyrdy. Sonymen birge jasy 65-ten asqan 123 adam da aýyryp, em izdedi»,- dedi Nursulý Berkimbaeva.
