اقتٶبە وبلىسى «جاسىل» ايماقتا بولعانىمەن, ناۋرىز مەرەكەسٸ مەكتەپتەر مەن بالاباقشالاردا, كٶپشٸلٸك جينالاتىن ورىنداردا ٶتكٸزٸلمەيدٸ, دەپ حابارلايدى "ۇلت اقپارات".
ٶتكەن تەۋلٸكتە ٶڭٸردە 18 ادامنان كوروناۆيرۋس ينفەكتسيياسى انىقتالدى. ولاردىڭ 16-ى — اقتٶبە قالاسىنىڭ تۇرعىنى.
«وبلىس بويىنشا 124 ادام ينفەكتسييالىق اۋرۋحانالاردا جاتىر. ونىڭ 100-ٸ اقتٶبە قالاسىندا. بارلىعى 9 ناۋقاس جانساقتاۋ بٶلٸمٸندە», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ. قازٸرگٸ كەزدە 2 مىڭنان استام ادام ۆاكيتسينا قابىلدادى. ولار: دەرٸگەرلەر مەن مۇعالٸمدەر, پوليتسييا قىزمەتكەرلەرٸ. سونىمەن بٸرگە ستۋدەنت, ديسپانسەرلٸك ەسەپتە تۇرعان ادامدار دا ەكپە قابىلدادى.
اقتٶبە وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ مەرەكە قارساڭىندا تۇرعىندارعا ساقتىق شاراسىن تاعى بٸر ەسكە سالدى.
«مەكتەپتەر مەن بالاباقشالاردا ناۋرىز مەرەكەسٸن تويلاۋعا بولمايدى. سونىمەن بٸرگە كەز كەلگەن ۇجىمدىق باسقوسۋعا تىيىم سالىنعان. ەگەر مۇنداي جاعداي تٸركەلسە, مٸندەتتٸ تٷردە دەپارتامەنتكە حابار بەرۋٸ كەرەك. ماماندار شارا قولدانادى»,- دەدٸ اقتٶبە وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
قازٸرگٸ كەزدە وبلىس بويىنشا 47 مونيتورينگ توبى بار. جىل باسىنان بەرٸ 133 حابارلاما تٷسٸپ, 19 ميلليون تەڭگە ايىپپۇل سالىندى. ال ٷيلەستٸرۋ ورتالىعىنا 16 شۇعىل حابارلاما بەرٸلٸپ, جوسپاردان تىس تەكسەرۋ جٷرگٸزٸلدٸ. سٶيتٸپ تاعى 1 ميلليون تەڭگە ايىپپۇل سالىندى.
«30-39 جاس ارالىعىنداعى جاستاردان جيٸ انىقتالىپ جاتىر. جىل باسىنان بەرٸ 159 ادام ۆيرۋس جۇقتىردى. سونىمەن بٸرگە جاسى 65-تەن اسقان 123 ادام دا اۋىرىپ, ەم ٸزدەدٸ»,- دەدٸ نۇرسۇلۋ بەركٸمباەۆا.
