Aqtóbede meditsinalyq betperde baǵasy óspeidi. Búgin úshjaqty memorandýmǵa qol qoiyldy, dep habarlaidy "Ult aqparat".
Aqtóbe oblysynda oblys ákimdigi, Farmatsevtikalyq qyzmetti qoldaý jáne damytý qaýymdastyǵynyń atalǵan qaýymdastyqqa kirmeitin sýbektileri jáne oblystyq taýarlar men kórsetiletin qyzmetterdiń sapasy jáne qaýipsizdigin baqylaý departamentiniń arasynda meditsinalyq betperdeniń baǵasyn ustap turý máselesi boiynsha úshjaqty memorandýmǵa qol qoiyldy.
«Qujat taraptardy bólshek saýda jelisindegi bir dana betperde baǵasyn 30 teńgeden, kóterme qoimalardaǵy baǵany 15 teńgeden ósirmeýdi mindetteidi. Aqtóbe oblysyndaǵy dárihanalar men kóterme qoimalarynda 166 000 meditsinalyq betperde bar. Taǵy 136 000 danasyna tapsyrys berildi», - dedi oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Sábit Eskendirov.
