Aqtóbede mas áiel jylap jatqan balasyn oryndyqqa tastap ketken. Oqiǵa 11 tamyzǵa qaraǵan túni bolǵan, - dep habarlaidy Massaget.kz portaly "Diapazon" basylymyna silteme jasap.
Politsiia málimetinshe, túngi saǵat bir shamasynda áiel kezekshi bólimge bes ailyq balany ákelgen. Ol bala 8 mart kóshesindegi oryndyqta jylap jatqanyn aitqan.
"Men onyń anasyn mas kúide kórdim. Ol belgisiz baǵytqa ketip qaldy, al bala oryndyqta qaldy", - dedi áiel.
Iývenal politsiia inspektorlary jedel járdem shaqyrǵan. Olar balanyń densaýlyǵyn teksergen, osylaisha, balany "Úmit" sábiler úiine aparǵan.
Shamamen bir saǵattan keiin politsiiaǵa 25 jastaǵy áiel telefon shalyp, balasy joǵalyp ketkenin aitqan. Politseiler ony taýyp alyp, aǵzadaǵy ishimdik deńgeiine saraptama júrgizip, turmysy nashar otbasy retinde esepke alǵan. Balanyń ákesi týraly málimet joq.
Áieldiń tártibi qala ákimi janyndaǵy kámeletke tolmaǵandar quqyǵyn qorǵaý jónindegi komissiiada qaralady. Ol sábiler úiinen balasyn komissiia sheshimi boiynsha ǵana ala alady.
