«Aqtóbe» áleýmettik-kásipkerlik korporatsiiasy men «Zaman treid» seriktestigi memorandýmǵa qol qoidy. Túrik investorlarynyń qoldaýymen óńirde lift shyǵaratyn kásiporyn salynady, dep habarlaidy "Ult aqparat".
Aqtóbede lift jóndeý, qondyrý isi shaǵyn kásipkerlerdiń qolynda. Ázirge jedelsaty qurastyryp, shyǵaratyn óndiris orny joq. Bul jobany «Zaman treid» seriktestigi usyndy. «Aqtóbe» áleýmettik-kásipkerlik korporatsiiasy men seriktestik ekijaqty memorandýmǵa qol qoidy.
«Aqtóbe» indýstrialdy aimaǵynan 1 gektar jer beriledi. Jospar boiynsha 612 million teńge investitsiiasy tartylady. Investitsiia Túrkiiadan bolady. Munda 15 jumys orny ashylady. Memorandýmǵa qol qoiyldy. Qazir qujattar óńirlik úilestirý keńesine ázirlenip jatyr», - dedi «Aqtóbe» ÁKK baspasóz qyzmetkeri Gúlvira Seitenova.
Kásiporynda lift shyǵarylyp, montajdaý jumysy júrgiziledi. Qazaqstannyń batys aimaǵy men Reseidiń kórshiles oblystaryna shyǵarylmaq.
Aita keteiik, indýstrialyq aimaq 5 jyl buryn quryldy. Aqtóbe qalasynyń óndiristik aimaǵynda, «Batys Eýropa - Batys Qytai» halyqaralyq kólik dáliziniń boiynda ornalasqan. Munda 6,2 mlrd teńgeniń 7 kásiporny jumys istep tur. 340 jumys orny ashyldy. Biyl 5 kásiporyndy iske qosý josparlanyp otyr. 315 jańa jumys orny qurylady. Investitsiianyń jalpy somasy - 21, 8 mlrd teńge.
