Aqtóbeniń Hromtaý aýdanynda Qazaqstannyń Eńbek Eri Qalihan Qozbaǵarovtyń sýreti salyndy, dep habarlaidy "Ult aqparat".
Aqtóbede infektsiialyq aýrýhananyń bas dárigeri Qalihan Qozbaǵarov shilde aiynda kóz jumǵan bolatyn. Áriptesteri ony aqtyq saparǵa shyǵaryp saldy.
Prezident Qasym - Jomart Toqaevtyń Jarlyǵymen marqum Qalihan Qozbaǵarovqa Qazaqstannyń Eńbek Eri ataǵy berildi.
Al týǵan jeri Hromtaý aýdanynda kópqabatty úidiń qabyrǵasyna sýreti salyndy.
«Álemdi ábigerge salǵan indetpen kúreste aldyńǵy shepte bolyp, mamandyǵyna degen adaldyǵy men antyna berik jerlesimiz Qalihan Esbosynulyna hromtaýlyqtar qurmet kórsete bildi. «Erin ardaqtaǵan el ozar» demekshi, eldi dúrliktirgen dertti aýyzdyqtaý jolynda aianbai eńbek etken, adamdyǵy men azamattyǵyn ainalasyna kórsete bilgen Qalihan Esbosynulynyń sýreti qala ortalyǵyndaǵy kóp qabatty úidiń qabyrǵasyna salynyp, asyldyń synyǵy jerlesteriniń sanasynda saqtalyp, eńbegi kópke úlgi bolyp turatyn boldy», - dep jazdy aýdan ákimdigi áleýmettik paraqshada.
