Aqtóbede balabaqshaǵa baratyn bala men mektep oqýshysynan koronavirýs infektsiiasy anyqtalyp, bilim oshaqtarynyń bir bóligi karantinge jabyldy, dep habarlaidy "Ult aqparat".
3 jeltoqsannan kúni búginge deiin koronavirýs infektsiiasynyń 15 oshaǵy tirkeldi. Onyń 9-y - turǵyn úi bolsa, ózgesi - ujymdyq mekeme.
«Alǵa aýdanyndaǵy balabaqsha tárbielenýshisinen virýs anyqtalyp, top karantinge jabyldy. Sonymen birge Aqtóbe qalasyndaǵy №3 mektep-litseiiniń 3 synyp oqýshysy indetke shaldyqty. Synyp karantinge jabylyp, naýqaspen bailanysta bolǵandardyń barlyǵy úi karantininde jatyr. Sonymen birge 4 sharýashylyq sýbektisi de karantinde», - dep habarlady oblystyq sanitarlyq-epidemiologiialyq baqylaý basqarmasynyń baspasóz qyzmeti.
Bas sanitar dárigerdiń qaýlysymen synyp pen top ishi dezinfektsiialanyp, 14 kúnge jabyldy. Qazir 86 adam dárigerlar baqylaýyna alynǵan. Al naýqastardyń jaǵdaiy turaqty.
