Aqtóbede qoradan órt shyǵyp, shamamen 100 bas iri qara janyp ketti, dep habarlaidy QazAqparat.
Aqtóbe oblysy Muǵaljar aýdany Kóldeneń Temir aýylyndaǵy sharýashylyqta qora órtendi. Onda 100 bas mal janyp ketti.
Búgin 101 bailanys nómirine Muǵaljar aýdany Kóldeneń Temir aýylyndaǵy «Shoman» sharýa qojalyǵyndaǵy qoradan órt shyqqany týraly habarlama tústi.
Oqiǵa ornyna aýdandyq órt sóndirý bóliminen órt sóndirýshiler jiberildi.
«Órt aýdany 600 sharshy metrdi quraidy. Sharýashylyq iesiniń aitýynsha, shamamen 100 bas iri qara jáne birneshe tehnika (traktor, mototsikl) janyp ketken. Qazir órttiń shyǵý sebebi anyqtalyp jatyr», - dep habarlady oblystyq TJD baspasóz qyzmeti.
