Aqtóbede senbi-jeksenbi kúnderi dámhana, ashana, monsha men saýna jumys istemeidi. Buǵan deiin bazarlar men saýda-oiyn-saiyq keshenderine osyndai talap qoiylǵan bolatyn, dep habarlaidy "Ult aqparat".
Aqtóbe oblysynyń bas sanitar dárigeri Nursulý Berkimbaeva jańa Qailyǵa qol qoidy. Qaýly 2-tamyzdan bastap kúshine enedi.
«Azyq-túlik, mal jáne azyq-túlik emes ashyq bazarlar, jabyq bazarlar, monsha, saýna, SPA-ortalyqtar men bassein, jabyq sport obektileri (sport keshenderi, sport mektepteri, sport klýbtary, jattyǵý zaldary), sporttyq-saýyqtyrý ortalyqtary jáne fitnes klýby, sonyń ishinde ioga ortalyqtary, saýda úileri, saýda jelileri, dini obektiler, meiramhana, dámhana jáne kofehana tipti qoǵamdyq tamaqtaný obektileri, jazǵy alańdar, ashana, ashyq aspan astyndaǵy akvaparkter senbi-jeksenbi kúnderi jumys istemeidi. Sonymen birge jeksenbi kúni azyq-túlik emes taýarlardyń barlyq túrin satatyn dúkender jabylady. Qoǵamdyq kólik buǵan deiin de jeksenbi kúni júrmegen», - dedi oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Al «Ashyq» jobasymen jumys isteitin qyzmet kórsetý oryndarynda jumys ýaqyty shekteldi. Máselen, dámhanalar 07:00-20:00 aralyǵynda qyzmet kórsete alady. «Lider» mártebesin alǵan kásipkerler 07:00-22:00-ge deiin biznesin júrgizýge ruqsat aldy. Jaǵajailar áli de jabyq. Jumys kúnderi bazarlar 09:00-17:00 aralyǵynda jumys isteidi. Talap boiynsha ekinshi deńgeili bank, HQKO, poshta jumys kúnderi 09:00-18:00 aralyǵynda ǵana ashyq bolady.
