Aqtóbede karantin kezinde 70-ten astam toi men eske alý sharasy ótken. Ákimshilik hattama toltyrylyp, jaýapqa tartylady, dep habarlaidy "Ult aqparat".
Aqtóbe oblysy PD-niń qyzmetkerleri 5 shildeden bastap elimizde engizilgen karantin rejiminiń saqtalýyn baqylady. Tekserý nátijesinde politsiia qyzmetkerleri ÁQBtK-niń 425-baby boiynsha 785 buzýshylyqty anyqtady. Onyń ishinde 71 jappai saltanatty, eske alý sharasy anyqtaldy. Onyń ishinde Aqtóbe qalasy, Shalqar, Baiǵanin, Yrǵyz jáne Alǵa aýdandarynda úilený toiy ótkizilgen.
«Yrǵyz aýdandyq politsiia bóliminiń qyzmetkerleri aýlasynda úilený toiyn ótkizgenderdi anyqtady. Politsiia qyzmetkerleri osy fakti boiynsha sheshim qabyldaý úshin oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentine materialdy jiberdi», - dedi oblystyq PD baspasóz qyzmetiniń jetekshisi Erbolat Sarqulov.
Karantin rejimine qarsy nemese sanitarlyq rejimdi buzyp, jumys istegen dúkenderge, saýda ortalyqtaryna qatysty anyqtalǵan 184 quqyqbuzýshylyq tirkeldi.
Barlyq zańsyzdyq boiynsha politsiia qyzmetkerleri ákimshilik hattama toltyryp, oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentine shara qabyldaý úshin jiberildi.
Politsiia departamenti aqtóbelikterdi karantin rejimin saqtaýǵa, buqaralyq is-sharalardy ótkizbeýge jáne qatyspaýǵa, sondai-aq qoǵamdyq oryndar men adamdar kóp jinalatyn oryndarǵa barǵan kezde qajetti jeke qorǵanys quraly qoldanýǵa shaqyrady.
