Aqtóbede seriktestiktiń kúzetshilerinen aqsha toly sómkeni alyp ketken kúdiktiler ustaldy, dep habarlaidy "Ult aqparat".
Oqiǵa biyl 14 aqpan kúni tirkeldi.
Sol kúni saǵat 19:00-de Mártók aýdanynyń kezekshi bólimine habarlasqan adamdar Jaisań aýylynda belgisiz toptyń aqsha salynǵan sómkeni alyp, Aqtóbe qalasyna qarai «Daewoo Nexia» avtokóligimen ketip qalǵanyn aitty.
Sol kúni saǵat 17:00-de tórt adam Jaisańda ornalasqan jaldamaly úige zańsyz kirgen.
Olar qarý qoldanyp, zorlyq-zombylyq kórsetip, seriktestiktiń kúzetshilerin uryp-soqqan.
Qaraqshylyq shabýyl jasap, aqsha toly sómkeni alyp ketti.
Onda 7 million teńge aqsha bolǵan.
«Kriminaldyq politsiia qyzmetkerleri eki kúdiktini birden ustady. Al ekeýi osy ýaqytqa deiin qashyp júrdi. Olarǵa memleketaralyq izdeý jariialandy. Birer kún buryn politsiia qyzmetkerleri Aqtóbe qalasynda izdeý júrgizip, qalǵan ekeýin tapty. Qazir Aqtóbe qalasyndaǵy ýaqytsha ustaý izoliatorynda otyr», - dep habarlady oblystyq PD baspasóz qyzmeti.
Osy oqiǵa boiynsha Qylmystyq kodekstiń «qaraqshylyq» baby boiynsha is qozǵalyp, tergeý júrip jatyr.
