Aqtóbede qar jaýyp tur. Samara - Shymkent tasjolynda birneshe júk kóligi toqtap qaldy, dep habarlaidy QazAqparat.
Aqtóbe oblystyq TJD baspasóz qyzmetiniń habarlaýynsha, Samara - Shymkent tasjolynyń 834-i shaqyrymynda birneshe júk kóligi toqtap qaldy. Saldarynan kólik keptelisi paida boldy. Arnaiy qyzmet jolǵa qum shashty.
«Aqtóbe oblysynyń politsiia departamenti jol qozǵalysynyń barlyq qatysýshylaryn joldarda asa muqiiat bolýǵa shaqyrady. Qar jaýdy, demek jolda qaýip kúsheie túsedi. Júrgizýshilerge jyldamdyqty aldyn ala tómendetý, qozǵalystyń qaýipsiz rejimin tańdaý mańyzdy. Aýa raiy jaǵdailary men júris bóliginiń jai-kúiin eskere otyryp, jaiaý júrginshiler ótkelderinen ótý kezinde asa muqiiat bolýy tiis»,- dedi oblystyq PD baspasóz qyzmetiniń jetekshisi Erbolat Sarqulov.
