Aqtóbede eki bilim berý mekemesiniń ǵimaraty ýaqytsha infektsiialyq statsionarǵa ainalǵan. Sonyń bireýinen naýqastardy kóshirilip, jańa oqý jylyna ázirlenip, tapsyryldy, dep habarlaidy «QazAqparat» HAA.
«Qazirgi tańda Aqtóbe oblysy boiynsha eki internat naýqastardy qabyldap jatyr. Biri - Jaisań aýylyndaǵy karantin statsionary. Bul jerde sabaq onlain jalǵasady. Sebebi statsionar shekarada ornalasqan. Ekinshisi - Baiǵanin aýdanyndaǵy mektep-internat. Mundaǵy bilim ordasy birer kúnde bosatylyp, ishine dezinfektsiia júrgiziledi. 1 qyrkúiekten bastap balalardy qabyldaýǵa ruqsat beriledi», - dedi oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
