Aqtóbede grek-rim kúresinen el birinshiligi aiaqtaldy. Jarysta Almaty oblysynyń quramasy birinshi oryndy jeńip aldy, dep habarlaidy "Ult aqparat".
Aqtóbe qalasynda grek-rim kúresinen el birinshiligi aiaqtaldy. Úsh kúnge josparlanǵan chempionatqa Nur-Sultan, Almaty, Shymkent qalalary jáne 14 oblystan 200-den astam bozkilem sheberi qatysty.
«Kúrestiń aila-tásiliniń joǵary bolǵanyn qalaimyz. Sondyqtan elimizdiń ár túkpirinen kelgen aǵa jattyqtyrýshylardy jinap, taǵy bir keńes ótkizemiz. Negizi, byltyrǵymen salystyrǵanda biyl kórsetkish joǵary. Áli de palýandardy shirata túsý kerek. 77 keli salmaq dárejesinde kúresken aqtóbelik Dáýlet Jalǵasovty erekshe atap ketkim keledi. Palýan óz babynda. Jalpy, Aqtóbe bes medal aldy. Árqaisysy ulttyq quramaǵa kiredi dep oilaimyn. Ádil Sisenbaevtyń da kórsetkishi joǵary. Bul jattyqtyrýshylardyń jetisti, eńbegi», - dedi QR Eńbek sińirgen jattyqtyrýshysy Jańabai Ospanov.
Palýandar 10 salmaq boiynsha kúresti. Jalpy komandalyq esepte Almaty oblysy 1-oryn, Aqtóbe oblysy 2-oryn, ShQO 3-oryn aldy.
«Almaty oblysynan kóp palýan qatysty. Olardyń salmaǵy basym. Deńgeii joǵary. Aqtóbelik palýandardyń daiyndyǵy myqty. Tek kórermen bolmady, sportshylar demeýdi sezinbedi. Ózimizdiń qateligimizdi eskerip, jumys isteýdi jalǵastyramyz Úsh altyn alamyz degen josparymyz bolǵan edi», - dedi Aqtóbe oblysynyń aǵa jattyqtyrýshysy Amanǵazy Izbai.
