Aqtóbede «Garant 24 Lombard» JShS–niń filial direktoryna izdeý jariialandy, dep habarlaidy "Ult aqparat".
Aqtóbe qalasyndaǵy «Garant 24 Lombard» qarjylyq uiymyna qatysty Qylmystyq kodekstiń 217- baby, 3-tarmaǵy, 1-tarmaqshasyna sáikes, iaǵni «Qarjy piramidalaryn qurý jáne basqarý» babymen is qozǵaldy.
«Qarjy piramidasynyń ádisi boiynsha tez paida tabýdy usyndy, sondai-aq jyljymaityn múlik pen avtokólikti naryqtaǵy qunynan 30% qymbat baǵaǵa satyp alatynyn aitady. Keiinnen múlikti naryqtyq baǵadan 30 paiyzǵa arzandatyp satyp otyrǵan. Sonymen qatar árbir klient úshin salymshyǵa salym somasynyń 5% qosyp otyrdy. Teksere kele «Garant 24 lombard» JShS-i Nur-Sultan qalasynda Qazaqstan azamatynyń atyna tirkelgeni anyqtaldy.Qazir kompaniianyń oblystyq filial direktory izdestirilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, tek Aqtóbe oblysynda 10 myńnan astam adam osy qarjylyq uiymǵa aqsha salǵan. Ǵimarat ishinen orgtehnika quraldary, sondai-aq azamattar men «Lombard 24 garant» JShS arasyndaǵy 11 myńǵa jýyq kelisimshart tabyldy.
