Biyl politsiia esirtki jarnamalaǵan 175 saitty japty. Sintetikalyq eskirtki zatyn satqandarǵa qatysty 16 qylmystyq is qozǵaldy. Bul týraly oblystyq PD bastyǵy Atyǵai Arystanov áleýmettik jelide ótken tikelei efir kezinde aitty, dep habarlaidy "Ult aqparat".
Aqtóbe oblystyq politsiia departamentiniń bastyǵy Atyǵai Arystanovtyń halyqqa esep berý kezdesýi onlain ótti. Vedomstvo basshysy óńirdegi quqyq buzýshylyqtyń aldyn alý jáne qylmysqa qarsy kúres sharalary týraly aityp berdi. Biyl qylmys sany azaidy jáne kriminogendik jaǵdai turaqty.
«Ókinishtisi biyl tirkelgen árbir altynshy qylmys alaiaqtyqqa bailanysty boldy. Ásirese kiim-keshek, avtokóliktiń qosalqy bólshegin satyp alý kezinde turǵyndar jii aldanyp jatyr. Derekterge súiensek, barlyǵy 1 myńnan astam is tirkelse, onyń 44% internet alaiaqtaryna tiesili. Biyl 38 kúdikti ustaldy», - dedi Aqtóbe oblystyq politsiia departamentiniń bastyǵy Atyǵai Arystanov.
Óńirde buryn jasalǵan 1 483 qylmys ashyldy. Onyń 200-den astamy ótken jyly tirkelgen . Izdeýde júrgen 100 adam ustaldy.
«Balalar internetti saýatty paidalanady. Ata-analar da muny eskerip, olardyń ózge saittarǵa kirip ketpeýin qamtamasyz etýi kerek. Biyl sintetikalyq eskirtki satqandarǵa qatysty 16 is qozǵaldy. Barlyǵy 175 sait jabyldy. Bul baǵyttaǵy jumys jalǵasady», - dedi A.Atyǵai.
