Aqtóbede elýden asa munaishy "Saǵyz Petroliým" kompaniiasyn sotqa berdi. Olar bul mekemeden jiyrma paiyzdyq ústeme aqylaryn talap etip otyr.
Óitkeni alty jyl buryn bekitilgen ujymdyq kelisimshart boiynsha ailyqtaryna ekologiialyq ahýalǵa qatysty qosymsha aqsha tólenýi kerek. Biraq sol ýaqyttan beri bir tiyn da ótemegen, dep habarlady KTK.
Sotqa aryzdanǵan elýden asa munaishynyń protseske túgel qatysýǵa múmkindigi joq. Jinalyp, bir qorǵaýshynyń kómegine júginipti. Vahtalyq ádispen eńbek etetin jumysshylar demalysqa shyqqanda kezektesip, sot otyrysyna qatysýǵa kelisken. Olar "Saǵyz Petroliým" kompaniiasynan 20 paiyzdyq ekologiialyq ústeme aqyny talap etip otyr.
"Ken orny ekologiialyq aimaqta ornalasqandyqtan, bizge 20 protsent tólenýi kerek. Sony tólemei otyr. Ekologiialyq zardaby tiip jatyr. Kúkirtti sýtegi bar, shýly jerde jumys isteimiz", - dep shaǵymdandy munaishy Aimurat Tóremuratov.
Munaishylar ekologiialyq ústemaqyǵa qatysty ujymdyq sharttyń alty jyl buryn bekitilgenin aitady. Sol ýaqyttan beri árbir jumysshyǵa bereshegi úsh millionǵa jetken.
"Sotqa shaǵymdanǵan jumysshylarǵa kompaniianyń qaryzy eń tómen degende millionnan bastalady. Úsh million men úsh jarym million arasynda", - deidi munaishy Rústem Baqytjanov.
Al bul daýǵa qatysty "Saǵyz Petrolýim" kompaniiasynyń basshylary pikir bildirýge qulyqsyz.
"Saǵyz Petroliým" kompaniiasynyń zańgeri de ústeme aqyǵa qatysty qandai da bir málimdeme jasaýdan bas tartty. Munaishylardan bir bilgenimiz – jumys berýshileri olardyń syrtynan alty jylda eki ret ujymdyq shartqa ózgeris engizgen kórinedi. Ekeýi de osy daýǵa ainalǵan ekologiialyq aqyǵa qatysty bolyp tur.
