Aqtóbede ańdy zańsyz aýlaǵan kúdiktiler ustaldy. Olardan myltyq, tórt qoian men elik ushasy tabyldy, dep habarlaidy QazAqparat.
Qazirgi kezde oblys aýmaǵynda «Aqbóken» respýblikalyq jedel–aldyn alý sharasy ótip jatyr. Tabiǵatty qorǵaý zańnamasyn buzýdyń jolyn kesý, kiikterdi brakonerlerden qorǵaý maqsatynda ýchaskelik inspektorlar baqylaýdy kúsheitti.
«4-jeltoqsanda Muǵaljar aýdanynda jedel aldyn alý is-sharasyn ótkizý barysynda ýchaskelik inspektor 47 jastaǵy júrgizýshiniń basqarýyndaǵy «Toiota Land Krýzer» avtokóligin toqtatty. Kóliktiń salonynda úsh jolaýshy bolǵan. Avtokólikti tekserý kezinde 16 kalibrli tegis uńǵyly ańshy myltyǵy, eki uńǵyly myltyq, 4 qoian ushasy jáne bir elik ushasy alyndy. Zańsyz ań aýlaý faktisi boiynsha Qylmystyq kodekstiń 337-baby boiynsha sotqa deiingi tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
Eki kúni ishinde mobildi toptar tabiǵat qorǵaý zańnamasyn buzýdyń 32 deregin ashty. Onyń ishinde janýarlar dúniesin paidalaný talaptaryn jáne ań aýlaý erejelerin buzýdyń 29, balyq aýlaý jáne balyq resýrstary men basqa da sý janýarlaryn qorǵaý erejelerin buzýdyń 3 deregi anyqtaldy.
