Foto: Polisia.kz
Aqtóbe oblysynda áieldi júieli túrde ańdyp, mazalaǵan er adam anyqtaldy. Bul týraly Polisia.kz habarlady.
Politsiiaǵa 29 jastaǵy áiel burynǵy jubaiyna qatysty aryz túsirgen. Onyń aitýynsha, er adam ai basynan beri qaita-qaita bailanysqa shyǵyp, sońynan ańdyp, tynyshtyq bermegen.
Ýchaskelik politsiia inspektorlary kúdiktini anyqtap, bólimge jetkizdi. Qazirgi tańda atalǵan derek boiynsha sotqa deiingi tergeý júrgizilip jatyr.
Aita keteiik, azamattardyń jeke bas bostandyǵyn qorǵaýdy kúsheitý maqsatynda 2025 jylǵy 16 shildede Memleket basshysy Qylmystyq kodekske jańa 115-1-bap — «Stalking» týraly normany engizgen bolatyn. Zań kúshine engeli beri Aqtóbe oblysynda osyndai 6 derek tirkelip, onyń bireýi sotqa joldanǵan.
Stalking — jábirlenýshiniń erkinen tys bailanys ornatý, ańdý nemese júieli túrde mazalaý arqyly psihologiialyq qysym kórsetetin zańsyz áreket bolyp sanalady.
