فوتو: Polisia.kz
اقتٶبە وبلىسىندا ەيەلدٸ جٷيەلٸ تٷردە اڭدىپ, مازالاعان ەر ادام انىقتالدى. بۇل تۋرالى Polisia.kz حابارلادى.
پوليتسيياعا 29 جاستاعى ەيەل بۇرىنعى جۇبايىنا قاتىستى ارىز تٷسٸرگەن. ونىڭ ايتۋىنشا, ەر ادام اي باسىنان بەرٸ قايتا-قايتا بايلانىسقا شىعىپ, سوڭىنان اڭدىپ, تىنىشتىق بەرمەگەن.
ۋچاسكەلٸك پوليتسييا ينسپەكتورلارى كٷدٸكتٸنٸ انىقتاپ, بٶلٸمگە جەتكٸزدٸ. قازٸرگٸ تاڭدا اتالعان دەرەك بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
ايتا كەتەيٸك, ازاماتتاردىڭ جەكە باس بوستاندىعىن قورعاۋدى كٷشەيتۋ ماقساتىندا 2025 جىلعى 16 شٸلدەدە مەملەكەت باسشىسى قىلمىستىق كودەكسكە جاڭا 115-1-باپ — «ستالكينگ» تۋرالى نورمانى ەنگٸزگەن بولاتىن. زاڭ كٷشٸنە ەنگەلٸ بەرٸ اقتٶبە وبلىسىندا وسىنداي 6 دەرەك تٸركەلٸپ, ونىڭ بٸرەۋٸ سوتقا جولدانعان.
ستالكينگ — جەبٸرلەنۋشٸنٸڭ ەركٸنەن تىس بايلانىس ورناتۋ, اڭدۋ نەمەسە جٷيەلٸ تٷردە مازالاۋ ارقىلى پسيحولوگييالىق قىسىم كٶرسەتەتٸن زاڭسىز ەرەكەت بولىپ سانالادى.
