Aqtóbe qalasy mańyndaǵy Qurshasai aýylynda eki qyzdy tanys adam pyshaqtap, oqiǵa ornynan qashyp ketken, dep habarlaidy "Ult aqparat".
Oqiǵa 19 tamyz kúni saǵat 11:00 shamasynda bolǵan. Eki qyzdyń pyshaqtalǵany týraly aqparat «102» telefon nómirine kelip túsken.
«Kúdiktiniń kim ekeni anyqtaldy. Ol pyshaq jaraqatyn alǵan qyzdardyń tanysy bolyp shyqty. Bir-birin jek kórgen. Qazir jedel-izdestirý sharasy ótip jatyr. Kúdiktiniń júike aýrýlary aýrýhanasynan qashyp ketkeni týraly aqparat tarap jatyr. Bul – jalǵan», - dep habarlady oblystyq Politsiia departamentiniń baspasóz jetekshisi Erbolat Sarqulov.
Vedomstvo málimetine sáikes, kúdikti Azamat Kalmenov 28 jasta.
Aqtóbe oblystyq meditsina ortalyǵynan habarlaǵandai, eki naýqasqa ota jasaldy, jaǵdailary turaqty. Pyshaq biriniń arqa tusyna tigen.
