Aqtóbede sońǵy táýlikte 9 adam indetke shaldyqty, onyń bireýi eki ailyq náreste, dep habarlaidy "Ult aqparat".
Aqtóbe oblysy boiynsha 21-56 jas aralyǵyndaǵy áielderden jáne eki jastaǵy náresteden koronavirýs infektsiiasy anyqtaldy.
«Olardyń ishinde beseýi buǵan deiin koronavirýs anyqtalǵan naýqastarmen jaqyn qarym-qatynasta bolǵan, bireýi JRVI belgilerimen aýrýhanaǵa jatqyzylǵan, ekeýi profilaktikalyq maqsatta tekserilgen, bir naýqas ózi erkimen synama tapsyrǵan kezde anyqtalǵan. Qazirgi ýaqytta indetke shaldyqqandar juqpaly aýrýlar aýrýhanasyna oqshaýlandy. Naýqastardyń jaǵdailary qanaǵattanarlyq. Hattamaǵa sáikes tiisti em qabyldap jatyr. Olarmen qarym-qatynasta bolǵan adamdar meditsinalyq baqylaýǵa alyndy. Aýrý oshaqtary dezinfektsiialandy», - dep habarlady oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.
Aita keteiik, óńirde barlyǵy 242 adam indetke shaldyqsa, onyń 164-i emdelip shyqty.
