Óńirde 45 jáne 49 jastaǵy eki adam sýǵa batyp ketti, dep habarlaidy "Ult aqparat".
Aqtóbe oblysy, Hromtaý qalasynan 32 shaqyrym qashyqtyqta ornalasqan ózennen 49 jastaǵy turǵynnyń denesi tabyldy. Ony kýágerler 1,5 metr tereńdikten alyp shyqqan.
«Sonymen birge Aqtóbe qalasy Sút zaýyty aýdanyndaǵy jasandy sý qoimasynan 45 jastaǵy er adamnyń máiiti tabyldy. Ony qutqarýshylar 2 metr tereńdikten alyp shyqty. Qazirgi kezde kóz jumǵan adamnyń kim ekeni anyqtalyp jatyr», - dep habarlady oblystyq TJD baspasóz qyzmeti.
Aita keteiik, jyl basynan beri óńirde 20 adam sýǵa batyp ketti, onyń tórteýi bala.
