Foto: videodan skrinshot
Aqtóbe qalasynda Tahaýi Ahtanov atyndaǵy oblystyq drama teatrynyń akteri Abzal Qudaibergenov qoqys shyǵaryp júrgen sátinde kútpegen oljaǵa tap boldy, dep habarlaidy Ult.kz.
Akter turmystyq qaldyqtardy shyǵarýǵa shyqqanda, qoqys tasymaldaityn kóliktiń artqy esiginde ilinip turǵan sporttyq medaldardy baiqap qalǵan. Onyń aitýynsha, ol arnaiy tehnikanyń júrgizýshisinen medaldardy ózine berýdi suraǵan. Nátijesinde bir altyn, eki kúmis jáne eki qola medal akterdiń qolyna tigen.
Atalǵan medaldardyń kimge tiesili ekeni jáne qandai sporttyq jetistikter úshin berilgeni ázirge belgisiz.
Bul oqiǵa áleýmettik jelilerde tez taralyp, qoǵamda qyzý talqylaýǵa sebep boldy. Pikir bildirýshiler túrli boljamdar aityp, óz tájiribelerimen bólisti.
Keibir qoldanýshylar marapattardyń qoqysqa tastalýyn memlekettik rámizder men sporttyq eńbekti qurmettemeý dep baǵalasa, endi biri medal iesi sporttan kóńili qalǵan bolýy múmkin degen pikir bildirdi.
