Aqtóbeniń Muǵaljar aýdany Qandyaǵash qalasynda kópqabatty úidiń terezesinen 1 jasar bala qulap, mert boldy, dep habarlaidy "Ult aqparat".
Qandyaǵash qalasynyń ortalyq aýdandyq aýrýhanasynyń jansaqtaý bólimine bir jasar sábi jetkizildi. Birneshe saǵattan keiin bala aýrýhanada kóz jumdy.
Tergeý barysynda anyqtalǵandai, bala qonaq bólmede terezeniń qasynda oinap júrip, 5-shi qabattyń terezesinen qulap ketken.
«Kóbine 2-7 jas aralyǵyndaǵy balalardyń terezeden qulap ketý qaýpi bar. Mundai jazataiym oqiǵalardyń aldyn alý úshin balalardy úide qaraýsyz qaldyrmaý qajet. Jihazdy bala terezege kóteriletindei etip qoimańyz. Terezege qoiylatyn tordyń sapaly túri de balanyń salmaǵyn kótere almaidy. Balalardy qorǵaý úshin terezelerge arnaiy fiksator ornatý qajet. Ol balaǵa terezeni birneshe santimetrden artyq ashýǵa múmkindik bermeidi», - deidi Aqtóbe oblysy PD Jergilikti politsiia qyzmetiniń iývenaldy politsiia aǵa inspektory Nurjan Mýkýmov.
